Lənkəran Rayon Mərkəzi Xəstəxanasının fizioterapevtik və reabilitasiya kabinetləri yenilənib
AzerTAg.az
Bakı, 18 mart, AZƏRTAC
Tibbi Ərazi Bölmələrini İdarəetmə Birliyi (TƏBİB) və Hemofiliyalı Xəstələrin Respublika Assosiasiyası tərəfindən Lənkəran Rayon Mərkəzi Xəstəxanasında yeni fizioterapevtik və reabilitasiya kabinetlərinin açılışı olub.
AZƏRTAC Lənkəran Rayon Mərkəzi Xəstəxanasının rəsmi feysbuk səhifəsinə istinadla bildirir ki, xəstəxananın 2 fizioterapevtik kabineti yeni tibbi avadanlıqlar və tibbi mebellərlə təchizatlandırılıb.
Yenilənən Fizioterapevtik kabinetlər hemofiliya və digər qanın laxtalanma problemindən əziyyət çəkən vətəndaşlarda xəstəliyin yaratdığı fəsadların aradan qaldırılmasına və müalicənin multidisiplinar yanaşmasına xidmət edəcək.
Kabinetlərin açılışından sonra Lənkəran və ətraf rayonlardan iştirak edən həkimlər üçün elmi seminar təşkil olunub.
Qeyd edilib ki, növbəti fizioterapevtik kabinetin təchizatlanması Füzuli və Göyçay şəhərlərində gözlənilir.
Xəbərin mətnində orfoqrafik səhv var
