REGİONLAR


Lənkəran Tarix-Diyarşünaslıq Muzeyinə yeni eksponatlar təhvil verilib

Lənkəran, 12 avqust, Bağır Əliyev, AZƏRTAC

Lənkəranda qazıntılar zamanı aşkar edilən qədim dövrə aid maddi-mədəniyyət nümunələri Rayon Tarix-Diyarşünaslıq Muzeyinə təhvil verilib.

AZƏRTAC-ın bölgə müxbiri xəbər verir ki, muzeyə təhvil verilən yeni eksponatlar əsasən keramika və tunc məmulatlarıdır.

Yerli və xarici turistlərin daha çox ziyarət etdiyi muzeydə hazırda 6583 eksponat qorunub saxlanılır.

Altı bölmədən ibarət muzeyə son vaxtlar 30 minə yaxın turist gəlib. Onlardan 16 mindən çoxu rayona ekskursiya edənlərdir.

Ötən il muzeyə gələn turistlər əsasən Rusiya, İran, Almaniya, İsveç, İsveçrə və ABŞ vətəndaşları olublar.

Qeyd edək ki, Lənkəranda “Xan evi” kimi tanınan Rayon Tarix-Diyarşünaslıq Muzeyi 1913-cü ildə Talış xanı Mirəhməd xanın sifarişi ilə Avropadan dəvət edilmiş memarlar tərəfindən inşa olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.