REGİONLAR


Lənkəran və Astarada keçirilən buraxılış imtahanında iki mindən çox XI sinif şagirdi iştirak edib

Lənkəran, 14 aprel, Bağır Əliyev, AZƏRTAC

Aprelin 14-də Dövlət İmtahan Mərkəzinin Lənkəran və Astara rayonunun ümumtəhsil məktəblərinin XI sinif şagirdləri üçün keçirdiyi buraxılış imtahanı uğurla başa çatıb.

AZƏRTAC-ın bölgə müxbiri xəbər verir ki, imtahanda iştirak edən şagirdlərə buraxılış vərəqəsi ilə yanaşı, “Yaddaş kitabçası” da verilib. Burada şagirdlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılıb.

Saat 11:00-da başlanan və 3 saat davam edən imtahanda şagirdlərin bilik və bacarıqlarını yoxlamaq məqsədilə onlara tədris dili, riyaziyyat və xarici dil fənləri üzrə ümumilikdə 85 tapşırıq təqdim edilib.

Lənkəranda 3 imtahan mərkəzində 1514, Astarada isə 2 imtahan mərkəzində 717 şagird imtahanlarda iştirak edib.

Hər iki rayonda buraxılış imtahanı zamanı qanun pozuntusu qeydə alınmayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.