REGİONLAR


Lənkəranda xüsusi karantin rejimi qaydalarını pozan 25 obyekt cərimələnib

Lənkəran, 1 aprel, Bağır Əliyev, AZƏRTAC

Koronavirus infeksiyasına qarşı mübarizə məqsədilə Nazirlər Kabineti yanında Operativ Qərargah tərəfindən qəbul edilmiş xüsusi karantin rejimi qaydalarının təmin olunması istiqamətində Lənkəran Rayon Polis Şöbəsinin əməkdaşları tədbirləri davam etdirirlər.

Daxili İşlər Nazirliyinin Mətbuat Xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, polis əməkdaşları mütəmadi olaraq şəhər ərazisində xidməti avtomobillərdə səsgücləndiricilər vasitəsilə əhaliyə səslənir, karantin rejiminin qaydalarına riayət edərək sağlamlıqlarını qorumağa dəvət edirlər.

Sakinlərlə profilaktiki söhbətlər aparılmaqla, yaşadıqları ünvana qaytarılması təmin olunur. İnsanlara bir daha izah olunur ki, həyata keçirilən bütün tədbirlər sakinlərin təhlükəsizliyinin təmin edilməsi və onların sağlamlığının qorunmasına xidmət edir.

Polis əməkdaşları, eyni zamanda, fəaliyyətinə qadağa tətbiq olunmuş obyektlərə də nəzarəti tam gücü ilə davam etdirirlər.

İndiyədək Lənkəranda karantin rejimi qaydalarını pozan 25 obyekt barəsində inzibati protokol tərtib edilib və onların bağlanması təmin olunub.

Rayon mərkəzi ilə yanaşı, ətraf ərazilərdə də karantin qaydalarına tam nəzarət etmək və koronavirus infeksiyasının yayılmasına qarşı tədbirlərin daha təsirli olması üçün kənd ərazilərinə də polis naryadları ayrılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.