REGİONLAR


Lənkərandakı “Zirvə” idman klubunda çalışan məşqçi-müəllimlərlə görüş keçirilib

Lənkəran, 24 iyun, Bağır Əliyev, AZƏRTAC

İyunun 24-də Lənkəran Şəhər Gənclər və İdman İdarəsinin əməkdaşları “Zirvə” idman klubunun ağır atletika, cüdo, sambo və qarışıq idman növləri üzrə məşqçi-müəllimləri ilə görüşüblər.

AZƏRTAC-ın bölgə müxbiri xəbər verir ki, klubda idarənin nəzdində fəaliyyət göstərən Uşaq-Gənclər İdman Məktəbinin məşqçi-müəllimləri Məmməd Məmmədov, Teymur Əliquliyev, İsmayıl Tahirov, Toğrul Məmmədli və cüdo idman növü üzrə məşqçi-müəllim Zaur Məmmədovun təlim-məşq prosesini izləyən Lənkəran Şəhər Gənclər və İdman İdarəsinin əməkdaşları, onların qayğıları ilə maraqlanıblar.

İdarənin rəisi Mikayıl Cəfərzadə ölkəmizdə bədən tərbiyəsi və idmanın inkişafı, onun maddi-texniki bazasının möhkəmləndirilməsinə göstərilən dövlət qayğısından danışaraq idmançılara yeni-yeni qələbə sevincləri arzulayıb.

Görüşdə, həmçinin işin Nazirlər Kabineti yanında Operativ Qərargahın tələb və tövsiyələrinə uyğun təşkilinin vacibliyi, idman və sağlamlıq-bərpa obyektlərinə dair metodik göstərişlər “Zirvə” idman klubunun rəhbərliyinin, məşqçi-müəllimlərin və idmançıların diqqətinə çatdırılıb.

M.Cəfərzadə İdarənin nəzdində fəaliyyət göstərən Uşaq-Gənclər İdman Məktəbinin məşqçi-müəllimi Toğrul Məmmədlini doğum günü münasibətilə təbrik edərək ona fəaliyyətində uğurlar arzulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.