REGİONLAR


Lənkəranın kənd yollarına asfalt döşənir

Lənkəran, 28 iyul, Bağır Əliyev, AZƏRTAC

Prezident İlham Əliyevin diqqət və qayğısı sayəsində Lənkəran rayonunda çox mühüm sosial əhəmiyyətli yol layihələri həyata keçirilir. Son bir neçə ildə rayonda reallaşdırılmış 7 iri maliyyə tutumlu yol layihəsindən sonra koronavirus pandemiyasının yaratdığı çətinliklərə baxmayaraq, növbəti yol layihəsinin icrasına başlanılıb.

AZƏRTAC-ın bölgə müxbiri xəbər verir ki, layihəyə əsasən rayonda 39 mindən çox əhalinin yaşadığı 16 kənddə ümumi uzunluğu 38 kilometr olan yollara asfalt döşənəcək, yollar boyunca abadlıq, səliqə-sahman işləri görüləcək.

Rayonun dənizsahili ərazisindən başlanmış asfaltlanma işləri hazırda Sutəmurdov və Velədi kəndlərində davam etdirilir.

Kənd sakinləri koronavirus pandemiyasının bütün dünyada tüğyan etdiyi bir vaxtda əhalinin sosial vəziyyətinin yaxşılaşdırılmasına göstərilən diqqət və qayğıya görə dövlətimizin başçısına minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.