Lənkəranın teatr işçiləri şəhid məzarlarını ziyarət ediblər

Lənkəran, 5 fevral, Bağır Əliyev, AZƏRTAC

Fevralın 5-də Lənkəran Dövlət Dram Teatrının əməkdaşları ölkəmizin suverenliyi və ərazi bütövlüyü uğrunda mübarizədə canlarını fəda etmiş, erməni işğalçıları ilə döyüşlərdə şəhid olmuş qəhrəman Vətən övladlarının xatirəsini yad etmək üçün mövcud pandemiya ilə əlaqədar sosial təhlükəsizlik qaydalarını gözləməklə Lənkəran şəhərindəki Böyük Bazar qəbiristanlığını ziyarət ediblər.

AZƏRTAC-ın bölgə müxbiri xəbər verir ki, mərasim iştirakçıları şəhidlərin məzarları üzərinə gül dəstələri düzərək, onların unudulmaz xatirəsini ehtiramla yad ediblər.

Şəhidlərin ruhuna dualar oxunub.