REGİONLAR


Lerikdə bu ilin birinci rübündə 476 iş yeri açılıb

Lerik, 16 may, Bağır Əliyev, AZƏRTAC

Lerikdə keçirilən hesabat yığıncağında bu ilin birinci rübünün sosial-iqtisadi inkişafının yekunları və qarşıda duran vəzifələr müzakirə edilib.

AZƏRTAC-ın bölgə müxbiri xəbər verir ki, hesabat məruzəsində və çıxışlarda Azərbaycan Respublikası Prezidentinin 2019-cu il 29 yanvar tarixli Fərmanı ilə təsdiq edilmiş “Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı”ının icrası istiqamətində müəyyən işlərin görüldüyü qeyd olunub.

Bildirilib ki, bu ilin birinci rübündə rayonda 476 iş yeri açılıb. Bunun 105-i daimi iş yerləridir. Ötən il rayonda 52 nəfər işaxtaran vətəndaş özünüməşğulluq layihəsinə cəlb edilib. Bu il isə 15 nəfərin bu layihəyə cəlb edilməsi nəzərdə tutulub.

Bu ilin üç ayında Lerik rayonunda işləyənlərin orta aylıq əməkhaqqı 324,7 manat təşkil edib. Ən yüksək əməkhaqqı bank, qaz, təhsil, elektrik şəbəkəsi və yol tikinti idarələrində olub.

Yığıncaqda çıxış edənlər bu ilin birinci rübündə görülmüş işlərdən və qarşıda duran vəzifələrdən danışaraq mövcud problemlərlə bağlı təkliflərini bildiriblər.

Tədbirdə Azərbaycan Respublikası Prezidenti Administrasiyasının ərazi-təşkilat məsələləri şöbəsinin sektor müdiri Dəyanət Abdullayev iştirak edib.

Sonda yığıncaq iştirakçıları və rayon ictimaiyyətinin nümayəndələri adından Azərbaycan Respublikasının Prezidenti İlham Əliyevə müraciət qəbul edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.