SİYASƏT


Levan İzoria: Gürcüstana qardaşlıq köməyi göstərdiyinə görə Azərbaycana minnətdarıq

Bakı, 23 avqust, AZƏRTAC

Gürcüstanın müdafiə naziri Levan İzoria ölkə ərazisində davam edən yanğınların söndürülməsində göstərdiyi köməyə görə Gürcüstan hökuməti və xalqı adından Azərbaycana təşəkkür edib.

AZƏRTAC xəbər verir ki, nazir yanğınların monitorinqini məhz Azərbaycanın göndərdiyi helikopterlə həyata keçirdiklərini bildirib. “Bizə qardaşlıq köməyi göstərdiyinə görə Azərbaycana minnətdarıq. Yüksək əməkdaşlıq nəticəsində yanğın ocaqlarını birgə müəyyən etməyə nail olduq”, - deyə Levan İzoria bildirib.

Yanğın ocaqları minimallaşdırılsa da, küləyin alovun qarşısının tam alınmasına mane olduğunu qeyd edən nazir deyib: “Azərbaycan və digər ölkələrin köməyi ilə yanğın ərazisinə yaxın yaşayan əhalinin təhlükəsizliyini təmin etmək üçün əlimizdən gələni edəcəyik”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.