ELM VƏ TƏHSİL


Lisey və gimnaziyalara onlayn qeydiyyat başa çatır

Bakı, 10 iyun, AZƏRTAC

Təhsil Nazirliyinin tabeliyində fəaliyyət göstərən lisey və gimnaziyalara onlayn qeydiyyat prosesi bu gün saat 17:00-da dayandırılacaq. Lisey və gimnaziyalara qəbul prosesi Təhsil İnstitutu tərəfindən həyata keçirilir.

BU barədə AZƏRTAC-a institutdan bildirilib.

Qəbul imtahanları əvvəlcədən müəyyənləşdirilmiş mərkəzlərdə aşağıdakı tarixlərdə keçiriləcək:

6-cı siniflərə qəbul imtahanı (hazırda 5-ci sinifdə təhsil alan şagirdlər) - 16 iyun

5-ci siniflərə qəbul imtahanı (hazırda 4-cü sinifdə təhsil alan şagirdlər) - 17 iyun

7-ci siniflərə qəbul imtahanı (hazırda 6-cı sinifdə təhsil alan şagirdlər) - 18 iyun

8 və 9-cu siniflərə qəbul imtahanı (müvafiq olaraq hazırda 7 və 8-ci siniflərdə təhsil alan şagirdlər) - 21 iyun

5, 6, 7 və 8-ci siniflərə qəbul imtahanında iştirak edəcək şagirdlərin Azərbaycan dili və riyaziyyat fənləri üzrə bilikləri ilə yanaşı, qeyri-standart düşünmə bacarıqları da yoxlanılacaq. 9-cu siniflərə qəbul imtahanında iştirak edəcək şagirdlərə isə məntiqi təfəkkürün əvəzinə fizika və kimya fənləri üzrə suallar da təqdim olunacaq.

Qeyd edək ki, bu günə qədər 11 minə yaxın şagird qeydiyyatdan keçərək buraxılış vərəqi əldə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.