DÜNYA


Lissabon turizmdən qazandığı rüsumları evsiz-eşiksizlərə xərcləməkdən imtina edib

Lissabon, 20 iyul, AZƏRTAC

Portuqaliya paytaxtının küçələrində 300 mindən çox evsiz-eşiksiz insan yaşayır.

Lissabon Şəhər Şurası paytaxt küçələrindəki evsiz-eşiksiz adamların məskunlaşdırılması üçün turizmdən əldə olunan gəlirlərin bir hissəsinin istifadə olunması barədə təklifi bir gün əvvəl rədd edib. Maliyyə məsələləri üzrə müşavir Joau Sarayvanın fikrincə, “turizmlə evsiz-eşiksizlər problemi arasında birbaşa əlaqə yoxdur”.

Lissabonda turizm vergisinin yeni məbləği 2016-cı ilin yanvarında təsdiq edilib. Turistlər otel və hostellərdə gecələməyə görə 2 avro ödəməlidirlər. Əvvəllər bu məbləğ 1 avroya bərabər olub.

Portuqaliya paytaxtının hakimiyyət orqanları qarşılarına küçələrdə yaşayan bütün evsiz-eşiksizlər üçün mənzil tapmaq məqsədi qoyublar. Məmurların hesablamalarına görə, onların sayı 361 nəfərdir. 2018-ci ilin sonunda şəhərdə cəmi 2473 evsiz-eşiksiz olub ki, onların da 1967 nəfəri bələdiyyələrin müvəqqəti mənzillərində, 361-i küçədə yaşayır.

Nigar Cəfərli

AZƏRTAC-ın xüsusi müxbiri

Lissabon

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.