DÜNYA


Litva hökuməti əmək miqrantları üçün yeni kvotaları təsdiqləyib

Vilnüs, 11 aprel, AZƏRTAC

Litva hökuməti aprelin 11-də əmək miqrantları üçün nəzərdə tutulan yeni kvotaları təsdiqləyib.

AZƏRTAC ölkənin Daxili İşlər Nazirliyinin rəsmi məlumatına istinadən xəbər verir ki, yeni qanun ölkənin miqrant siyasətini balanslaşdıracaq. Bundan sonra Məşğulluq İdarəsi işçiyə ehtiyac olan peşələrin siyahısını tərtib edərək Daxili İşlər Nazirliyinə təqdim edəcək. Bu peşələr mütəmadi yenilənəcək. İlk kvota 2021-ci ildə tətbiq olunacaq.

Qeyd olunub ki, kvota yüksək ixtisaslı kadrlara şamil olunmayacaq. Onlar həmişəki kimi ölkə qanunvericiliyinə uyğun imtahanlardan keçib ixtisasları üzrə işləyə biləcəklər. Həmçinin Litva ilə vizasız rejimə sahib ABŞ, Avstraliya, Kanada, Yaponiya, Cənubi Koreya və Yeni Zelandiya vətəndaşlarına iş prosesində üstünlük veriləcək. Onlar və ailə üzvləri avtomatik olaraq 3 illik işləmək və yaşamaq hüququ alacaqlar.

Aygün Əliyeva

AZƏRTAC-ın xüsusi müxbiri

Vilnüs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.