DÜNYA


Litva hökuməti tikinti işçilərinə şəxsi kod verəcək

Vilnüs, 20 oktyabr, AZƏRTAC

Litva hökuməti tikinti sektorunda çalışan hər bir işçiyə şəxsi kod tətbiq edəcək.

AZƏRTAC xəbər verir ki, tikinti işçilərinin haqlarının tapdanmaması, qara gəlirdən və vergi pozuntusundan qaçınması üçün alınan bu qərar artıq Litvanın Nazirlər Kabineti tərəfindən təsdiqlənərək parlamentə göndərilib. Qərar parlamentdə təsdiqləndikdən sonra işçi və sahibkar arasındakı bütün müqavilələr ölkənin vergi və sosial sığorta orqanlarının məlumat bazasında əks olunacaq.

Hazırda Litvanın tikinti sektorunda 95 mindən artıq işçi çalışır ki, bunların arasında miqrantlar çoxluq təşkil edir. Qara fəhləlik yayıldığından bir çox sahibkarlar vergidən və işçi haqlarını qorumaqdan (həmçinin pensiya haqları) qaçır. Bu isə il ərzində 100 milyon avrodan çox vəsaitin dövlətdən gizlədilməsi deməkdir.

Sözügedən təcrübə artıq İsveç və Norveçdə tətbiq olunur.

Aygün Əliyeva

AZƏRTAC-ın xüsusi müxbiri

Vilnüs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.