İDMAN


Litva millisinin baş məşqçisi: Azərbaycan millisinin heyətində fərdi və texniki istedada malik futbolçular var

Bakı, 26 mart, Nicat Məmmədov, AZƏRTAC

Oyuna ciddi hazırlaşmışdıq. Rəqibimizin yaxşı komanda olduğunu bilirdik. Azərbaycan millisinin heyətində fərdi və texniki imkanlarına görə fərqlənən istedadlı futbolçular var.

AZƏRTAC xəbər verir ki, bu sözləri futbol üzrə Litva milli komandasının baş məşqçisi Valdas Urbonas Azərbaycan yığmasına qarşı (0:0) keçirilən oyun sonrası təşkil olunmuş mətbuat konfransında deyib.

Təcrübəli mütəxəssis milli komandamızın Xorvatiyaya qarşı oyununa da münasibət bildirib: “Komandamız Xorvatiyaya qarşı da yaxşı mübarizə aparıb. Məni müdafiə xəttimiz daha çox düşündürürdü. Çünki arxa xətdə nizam-intizam yaratdıqdan sonra hücum haqda düşünə bilərdik. Müqayisə etsək, birinci hissədə daha yaxşı oynadıq. Topa nəzarət etməyi bacardıq, mümkün qədər hücumlar qurmağa çalışdıq. Meydan sahibi komanda ikinci hissəyə daha fəal başladı. Nəticənin oyuna görə olduğunu düşünürəm. Qol epizodları baxımından zəngin olmayan bir matç izlədik. Oyundan və komandamdan razı qaldım”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.