DÜNYA


Litva parlamentində müxalifət fraksiyaları Konstitusiya Məhkəməsinə müraciət etmək üçün imza toplayıblar

Vilnüs, 21 fevral, AZƏRTAC

Litva parlamentində müxalifət fraksiyaları referendum və Seymin üzvlərinin ixtisarı haqqında elan olunmuş referendum haqqında yeni Qanuna qiymət verilməsi məqsədilə Konstitusiya Məhkəməsinə müraciət etmək üçün imza toplayıblar.

AZƏRTAC Delfi agentliyinə istinadla xəbər verir ki, Konstitusiya Məhkəməsinə müraciəti mühafizəkarlar, liberallar, sosial-demokratlar və Qarışıq qrupun bir neçə üzvündən ibarət müxalifət fraksiyalarının nümayəndələri imzalayıblar.

Litva Seymi ötən il özünün son payız plenar sessiyasında Seymin üzvlərinin sayının 141-dən 121-dək ixtisar edilməsi barədə referendum elan edib. Qərara əsasən, referendum mayın 12-də - prezident seçkiləri ilə eyni gündə baş tutacaq. Müxalifət bu qərarı populist adlandırır və onunla razılaşmır. Konstitusiya Məhkəməsinə müraciət edən fraksiyalar iddia edirlər ki, ötən ilin sonunda sözügedən qanun Konstitusiya sənədi kimi deyil, adi qanun statusunda qəbul edilib.

Aygün Əliyeva

AZƏRTAC-ın xüsusi müxbiri

Vilnüs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.