CƏMİYYƏT


Litva qəzetində bu ölkədə yaşayan həmvətənlərimizlə bağlı müsahibə dərc olunub

Vilnüs, 16 aprel, AZƏRTAC 

Litvanın Klaypeda şəhərində fəaliyyət göstərən “Azeris” cəmiyyətinin sədri, Klaypeda Milli İcmalar Şurasının üzvü Əliağa Məmmədov ilə “Klaypeda” qəzetində müsahibə dərc olunub.

AZƏRTAC xəbər verir ki, müsahibədə Litvada yaşayan azərbaycanlılar barədə məlumat verilir. Xüsusən də Klaypedada yaşayan həmvətənlərimizin Azərbaycan ənənələrinə sadiq çıxması, tariximizi, mədəniyyətimizi təbliğ etməsi və bütövlükdə ölkəmizi tanıtması istiqamətində gördüyü işlər ətraflı şərh edilib.

Ə.Məmmədov “Azeris” cəmiyyətinin Litvada Azərbaycanla bağlı təşkil etdiyi tədbirlər barədə ətraflı danışıb. O, cəmiyyət tərəfindən Klaypeda şəhərində bazar günü məktəbinin təşkil olunduğunu, burada uşaqlara Azərbaycan tarixinin, ənənələrinin, rəqslərinin öyrədildiyini diqqətə çatdırıb. Məktəbə litvalı uşaqların da marağının böyük olduğu vurğulanıb.

Aygün Əliyeva

AZƏRTAC-ın xüsusi müxbiri

Vilnüs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.