DÜNYA


Litvada koronavirusa yoluxanların sayı 200 minə yaxınlaşır

Vilnüs, 15 fevral, AZƏRTAC

Litvada son sutka ərzində koronavirusa yoluxanların sayı 375 nəfər artaraq 190 min 724-ə çatıb.

AZƏRTAC xəbər verir ki, bu barədə Litvanın Səhiyyə Nazirliyi məlumat yayıb. Bildirilib ki, epidemiyanın yayıldığı tarixdən bəri ölkədə 2 milyon 15 min 576 nəfər müayinə olunub.

Nazirliyin məlumatına əsasən, son sutka ərzində COVID-19 virusuna görə 5 min 54 nəfərdən götürülən testlərin 375-nin nəticəsi müsbət çıxıb.

Yeni növ koronavirusdan 13 ölüm faktı qeydə alınıb. Sağalanların ümumi sayı isə 174 min 916 nəfərdir.

Litva hökuməti pandemiya ilə əlaqədar əhalini diqqətli olmağa, sanitar normalara riayət etməyə çağırır.

Asiman Əsədov

AZƏRTAC-ın xüsusi müxbiri

Vilnüs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.