DÜNYA


Litvanın mərkəzi hökumət sektorunun kəsiri 1,17 milyard avro olub

Vilnüs, 2 iyul, AZƏRTAC

Cari ilin yanvar-may aylarında Litvanın mərkəzi hökumət sektorunun kəsiri 1,17 milyard avro təşkil edib, bu sektorunun 5 aylıq balansı isə ötən ilin müvafiq dövrü ilə müqayisədə 1,3 milyard avro az olub.

AZƏRTAC xəbər verir ki, bu barədə məlumatı Litvanın Maliyyə Nazirliyi yayıb.

Bildirilib ki, yanvar-may aylarında mərkəzi hökumət sektorunun gəlirləri 5,3 milyard avro, xərcləri isə 6,3 milyard avro olub. Qeyri-maddi aktivlər üzrə əməliyyatlardakı dəyişiklik müsbət olmaqla 122,8 milyon avro təşkil edib.

Beş ayda Litvada xərclərin əsas hissəsi sosial ödənişlər (58,2 faiz), dotasiyalar (12,8 faiz), əməkhaqqı və sosial sığortadan (11,4 faiz) ibarət olub.

May ayında mərkəzi hökumət sektorunun gəlirləri 1,07 milyard avro, xərcləri isə 1,4 milyard avro, qeyri-maddi aktivlər üzrə əməliyyatlar 50,7 milyon avro, büdcə kəsiri isə 468,8 milyon avro təşkil edib.

Asiman Əsədov

AZƏRTAC-ın xüsusi müxbiri

Vilnüs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.