DÜNYA


Livanda hökumətin yanlış pul siyasəti iğtişaşlara səbəb olub

Qahirə, 3 iyun, AZƏRTAC

Livan hökuməti yerli pul vahidinin hər gün davam edən devalvasiyasının qarşısını almaq üçün bank hesabında ABŞ dolları olan vətəndaşların öz pullarını Livan funtuna dəyişməsini qadağan edən qərar qəbul edib. Eyni zamanda, həmin vətəndaşların marketlərdə dollarla alış-veriş etməsinə də icazə verilməyib. Hökumətin bu addımı paytaxt Beyrutda bankomatların qarşısında uzun növbələrə və iğtişaşlara səbəb olub. İnsanlar küçələrdə zibil qutuları və avtomobil şinlərini yandıraraq etirazlarını bildiriblər.

AZƏRTAC xəbər verir ki, ABŞ dollarının Livan funtuna qarşı dəyər itirməsi (1 dollar = 3900 LP) vətəndaşların yerli valyutadan imtina etməyə sövq edib. Hökumətin bu prosesin qarşısını almaq məqsədilə atdığı addımlar isə yeni etiraz dalğasına səbəb olub. Axşam saatlarında Livan Mərkəzi Bankı sözügedən qərarın ləğv olunduğunu elan edib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.