DÜNYA


Livanda istilik elektrik stansiyasına yanacaq daşıyan tanker yanıb

Qahirə, 11 oktyabr, AZƏRTAC

Livanın cənubundakı Zəhrani istilik elektrik stansiyasına yanacaq daşıyan tanker yanıb.

AZƏRTAC rəsmi NNA agentliyinə istinadla xəbər verir ki, bu ölkənin iki ən böyük elektrik enerjisi istehsalçısı olan və iki gündür yanacaqsız qalmış stansiyanın fəaliyyətinin bərpa olunması üçün fasiləsiz işlər görülür. Artıq stansiyalar işə salınıb və paytaxt Beyruta elektrik enerjisinin verilməsinə başlanılıb.

Livanın Energetika Nazirliyi bəyan edib ki, yanğın söndürülüb. Habelə Zəhrani və Deir Əmmar istilik elektrik stansiyalarının işə salınması məqsədilə qonşu ölkələrdən hidrokarbon benzini gətirilib. Bunun üçün hökumət 100 milyon dollarlıq kredit alıb.

NNA agentliyinin xəbərində qeyd olunub ki, Livan hökuməti istilik elektrik stansiyalarının mühafizəsi məqsədilə əraziyə ordu hissələri cəlb edib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.