DÜNYA


Liviya Milli Barışıq Hökumətinin başçısı istefa verəcəyini açıqlayıb

Qahirə, 17 sentyabr, AZƏRTAC

Liviya Milli Barışıq Hökumətinin başçısı Faiz əl-Sərrac oktyabrın sonunda istefa verəcəyini açıqlayıb.

AZƏRTAC xəbər verir ki, dövlət televiziyasında çıxış edən əl-Sərrac həmin tarixdə öz səlahiyyətlərini yeni hökumətin başçısına təhvil verəcəyini bəyan edib. O, ümidvar olduğunu bildirib ki, ölkədə atəşkəs və münaqişənin sülh yolu ilə həllinə dair danışıqlar uğurla nəticələnəcək, Liviyanın yeni Prezidenti və Baş Naziri seçiləcək.

Faiz əl-Sərrac 2015-ci ildən BMT-nin himayəsi ilə aparılan danışıqlardan sonra yaradılan Milli Barışıq Hökumətinə başçılıq edir. Bu hökumət 2011-ci ildə Muammər Qəddafi hakimiyyətinin devrilməsindən sonra yaranan xaosa son qoysa da, ölkədə sülhü təmin edə və vətəndaş qarşıdurmasını dayandıra bilməyib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.