DÜNYA


Liviya milli neft korporasiyası fövqəladə vəziyyət elan edib

Bakı, 18 yanvar, AZƏRTAC

Liviyanın milli neft korporasiyası ölkənin bir sıra limanlarının Liviya milli ordusunun qüvvələri tərəfindən neft ixracı üçün bağlanması ilə əlaqədar fövqəladə vəziyyət elan edib.

AZƏRTAC xəbər verir ki, bu barədə məlumat şənbə günü korporasiyanın Facebook səhifəsində dərc olunub. Məlumatda qeyd edilir ki, neft ixracının hissəvi dayandırılması hasilatın gündəlik 800 min barel ixtisar olunmasına, həmçinin hər gün 55 milyon dollar həcmində zərərə gətirib çıxaracaq.

Al Arabiya telekanalının məlumatına görə, Liviya milli ordusunun qüvvələri ölkənin mərkəzi hissəsindəki və şərqindəki terminalları bağlayıblar və həmin terminallardan neft ixracı yanvarın 18-dən dayanacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.