DÜNYA


Liviya sahillərində miqrant uşaqların cəsədləri tapılıb

Qahirə, 1 iyun, AZƏRTAC

Liviya sahillərində Aralıq dənizi ilə Avropa istiqamətində hərəkət edən qayığın batması nəticəsində boğulan afrikalı qanunsuz miqrant uşaqların cəsədləri tapılıb.

AZƏRTAC xəbər verir ki, UNICEF-in bu faciə ilə bağlı yaydığı açıqlamada cəsədlərin paytaxt Tripolinin 100 kilometrliyində yerləşən Zuvara qəsəbəsində - sahilboyu ərazidə tapıldığı bildirilir.

Liviya rəsmiləri bəyan ediblər ki, havaların isti və dənizin dalğalı olmamasından istifadə edən insan alverçiləri Aralıq dənizindən Avropaya qanunsuz miqrant daşımalarının sayını artırıblar. Qanunsuz miqrantların əksəriyyəti İspaniya və İtaliyadan geri qaytarılsa da, onlar Tripolidə yerləşən qaçqınların toplama mərkəzini tərk etmək istəmirlər.

UNICEF-in məlumatına görə, 2021-ci ildə 9650-yə yaxın qanunsuz miqrant, o cümlədən 480 azyaşlı Avropanın sahil adalarından geri qaytarılıb. Təkcə bu ay ərzində 100-dən çox afrikalı dənizdə boğularaq ölüb.

 

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.