DÜNYA


Liviyanın sahil sularında 17 qanunsuz miqrantın cəsədləri tapılıb

Qahirə, 8 oktyabr, AZƏRTAC

Liviyanın sahil sularında Afrikadan Avropa ölkələrinə yollanan 17 qanunsuz miqrantın cəsədləri tapılıb.

AZƏRTAC xəbər verir ki, bu barədə Liviya Qırmızı Aypara Cəmiyyəti məlumat yayıb.

Məlumatda qeyd olunub ki, cəsədlər Liviyanın qərbindəki Zaviyə qəsəbəsinin yaxınlığında aşkarlanıb və dəfn edilməsi üçün aidiyyəti qurumlara təhvil verilib. Hazırda dənizdə axtarış işləri davam etdirilir.

BMT-nin miqrasiya agentliyinin məlumatına görə, təkcə bu il qayıqlarla Aralıq dənizi vasitəsilə Avropaya yollanan 1100 qanunsuz miqrantın cəsədləri tapılıb. Bir həftə əvvəl isə Liviyanın hüquq-mühafizə orqanları 2 mindən artıq afrikalı miqrantın Avropaya getməsinin qarşısını alıb və onları xüsusi düşərgəyə yerləşdirib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.