DÜNYA


Liviyanın sutkalıq neft hasilatı 500 min barrelə çatıb

Bakı, 16 oktyabr, AZƏRTAC

Liviyada gündəlik xam neft istehsalı 500 min barrelə yüksəlib.

AZƏRTAC xəbər verir ki, ötən həftə Liviyanın ən böyük neft yatağı olan “Sharara”da hasilat bərpa olunub və Ras Lanuf limanına xam neftin nəqlinə başlanılıb. İstehsalın yaxın vaxtlarda tam gücünə çatması gözlənilir.

Xatırladaq ki, keçən həftə Liviyanın Milli Neft Korporasiyası ölkənin qərbindəki “Sharara” neft yatağında fors-major vəziyyəti aradan qaldıraraq hasilatın bərpasını tapşırıb. Bildirilir ki, General Xəlifə Haftarın tabeliyindəki “Neft Obyektləri Mühafizəçiləri” adlı silahlı qruplaşma ilə əldə olunan razılaşmadan sonra yataqdakı fors-major vəziyyət ləğv edilib.

Qeyd edək ki, “Sharara” neft yatağında iyun ayında fors-major vəziyyət aradan qaldırılmış və yenidən hasilata başlandığı elan edilmişdi. Lakin Haftara tabe milislərin yaratdığı maneələr səbəbindən istehsal qısa müddətdən sonra dayandırılmışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.