SİYASƏT
Londonda Azərbaycan Respublikasının dövlət müstəqilliyinin bərpasının iyirminci ildönümü qeyd olunacaqdır
Bakı, 10 oktyabr (AZƏRTAC). Heydər Əliyev Fondu, Avropa Azərbaycan Cəmiyyəti (AAC) və ölkəmizin Böyük Britaniyadakı səfirliyinin təşkilatçılığı ilə oktyabrın 19-da Londonda Azərbaycan Respublikasının dövlət müstəqilliyinin bərpasının 20-ci ildönümü
münasibətilə tədbir keçiriləcəkdir.
AAC-dən AZƏRTAC-a bildirmişlər ki, tədbirdə Londonda akkreditə olunmuş diplomatik korpusun nümayəndələri, Böyük Britaniyada yaşayan azərbaycanlılar və jurnalistlər iştirak edəcəklər.
Mərasimdə “Eurovision-2011” mahnı müsabiqəsinin qalibləri Eldar Qasımov və Nigar Camal, həmçinin məşhur “Rast” qrupu
konsert proqramı ilə çıxış edəcəklər.