DÜNYA


Londonda Konqo adlı şimpanzenin çəkdiyi rəsmlər sərgilənəcək

Bakı, 10 oktyabr, AZƏRTAC

Londondakı “The Mayor Gallery” qalereyasında Konqo adlı şimpanze tərəfindən çəkilmiş rəsmlərin satış sərgisi keçiriləcək.

AZƏRTAC xarici KİV-lərə istinadla xəbər verir ki, qalereyada dəyəri 1800-7400 dollar məbləğində qiymətləndirilən 55 rəsm nümayiş etdiriləcək. Onlar rəssam-zooloq Desmond Morrisə məxsusdur. Məhz o, 1956-cı ildə meymunların bədii qabiliyyətlərini tədqiq edərək Konqoya qələm tutmaq öyrətmişdi.

Şimpanze üç il ərzində 400-dən çox rəsm çəkib. Pablo Pikasso, Xuan Miro və Salvador Dali kimi rəssamlar onların bəzilərini öz kolleksiyaları üçün alıb. Konqo 1964-cü ildə vərəm xəstəliyindən ölüb.

2005-ci ildə şimpanzenin rəsmləri “Bonham’s” hərracında Uorhol və Renuarın əsərlərindən baha qiymətə – 25 min dollara satılmışdı.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.