QAN YADDAŞI


Londonda yaşayan balaca həmvətənlərimiz Xocalı soyqırımı ilə bağlı hisslərini rəsmlərlə çatdırıblar

London, 24 fevral, AZƏRTAC

Azərbaycanın Böyük Britaniyadakı səfirliyində "Sara Xatun" Azərbaycanlı Qadınlar Cəmiyyətinin təşkilatçılığı ilə Xocalı faciəsinin 26-cı ildönümü ilə əlaqədar balaca həmvətənlərimizin çəkdiyi rəsmlər nümayiş etdirilib.

AZƏRTAC xəbər verir ki, "Sara Xatun" Azərbaycanlı Qadınlar Cəmiyyətinin üzvü Sevil Aslanova iştirakçılara Xocalı faciəsi haqqında məlumat verib. Bildirib ki, Azərbaycandan kənarda yaşayan balaca həmvətənlərimiz soyqırımı ilə bağlı hisslərini rəsmlərlə çatdırıb, bu yolla Xocalıya ədalət çağırışı ediblər.

Azərbaycanın Böyük Britaniyadakı səfiri Tahir Tağızadə balaca həmvətənlərimizə bu rəsmlərinə görə minnətdarlığını bildirib, onların Azərbaycandan kənarda olsalar da, azərbaycançılıq hissi ilə böyümələrinin vacibliyindən danışıb.

Tədbir çərçivəsində Azərbaycanın xalq mahnısı “Sarı gəlin” canlı ifa olunub.

Daha sonra balaca həmvətənlərimizin əsərlərinə baxış keçirilib. Səfirlik adından onlara hədiyyələr təqdim edilib.

Orxan İsmayılov

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.