“Los-Anceles Leykers”in baş məşqçisi Frenk Foqel istefaya göndərilib

Bakı, 13 aprel, AZƏRTAC

Milli Basketbol Assosiasiyasının (MBA) ən titullu klublarından olan “Los-Anceles Leykers”in baş məşqçisi Frenk Foqel istefaya göndərilib.

AZƏRTAC xəbər verir ki, bu barədə Kaliforniya klubunun rəsmi saytı məlumat yayıb.

Foqelin istefaya göndərilməsinə komandanın pley-off mərhələsinə yüksələ bilməməsi səbəb olub.

Qırx səkkiz yaşlı mütəxəssis 2019/2020-ci il mövsümündən “Leykers”i çalışdırıb. Onun başçılığı altında Los-Anceles klubu 2020-ci ildə MBA çempionu olub. Bu mövsüm isə komandada Lebron Ceyms, Entoni Devis, Rassell Uestbruk, Karmelo Entoni və Duayt Hovard kimi basketbol ulduzları çıxış etsə də, kollektiv mərhələ adlaya bilməyib.