İDMAN


Luis Hamilton “Mercedes” ilə danışıqlara başlayıb

Bakı, 12 fevral, AZƏRTAC

“Mercedes”in pilotu Luis Hamilton komandanın rəhbəri Toto Volff ilə yeni müqavilə barədə danışıqlara başlayıb.

AZƏRTAC xəbər verir ki, bu barədə Böyük Britaniyanın “The Sun” nəşri məlumat yayıb.

Tərəflər 180 milyon funt-sterlinq müqabilində üçillik müqavilənin şərtlərini müzakirə edirlər. Nəzərə alsaq ki, tərəflər arasında mövcud razılaşmanın vaxtı başa çatıb, o halda yeni anlaşmanın müzakirəsi normaldır. Amma “Ferrari”nin Hamiltonu heyətinə cəlb etmək istəyi ilə bağlı xəbərlər məsələni qəlizləşdirir. Təbii ki, “Mercedes” aparıcı pilotunu itirmək istəmir. Ən azı ona görə ki, britaniyalı pilot son 6 ildə “Mercedes”lə 5 dəfə dünya çempionu olub.

Qeyd edək ki, Formula 1-in yeni mövsümünə martın 15-də Avstraliyada start veriləcək. Azərbaycan Qran-Prisi isə iyunun 5-7-də təşkil olunacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.