ELM VƏ TƏHSİL


Lütfi Zadə adına məntiq olimpiadasının qalibləri mükafatlandırılıb

Bakı, 15 oktyabr, AZƏRTAC

Oktyabrın 15-də Lütfi Zadə adına məntiq olimpiadasının qaliblərinin mükafatlandırılması mərasimi təşkil edilib. Tədbirdə Təhsil Nazirliyinin, Təhsil İnstitutunun, Azərbaycan Dövlət Pedaqoji Universitetinin nümayəndələri iştirak ediblər.

İnstitutdan AZƏRTAC-a bildirilib ki, tədbirə bilik yarışında qalib elan edilən 60 şagird dəvət olunub.

Xatırladaq ki, olimpiada Təhsil Nazirliyi və Təhsil İnstitutunun birgə təşkilatçılığı ilə V sinif şagirdləri arasında keçirilib.

Müsabiqənin keçirilməsində məqsəd görkəmli alim Lütfi Zadənin irsinin şagirdlər arasında təbliği, həmçinin onların məntiqi biliklərinin inkişafına təkan vermək, yaradıcı istedad və fərqli düşünmə qabiliyyəti ilə fərqlənən şagirdləri aşkara çıxarmaq və onların həvəsləndirilməsindən ibarətdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.