MƏDƏNİYYƏT


MƏDƏNİYYƏTİMİZİN PROBLEMLƏRİ MÜZAKİRƏ OLUNMUŞDUR

R.Behbudov adına Dövlət Mahnı Teatrında Mədəniyyət Nazirliyinin 2003-cü ilin yekunlarına həsr olunmuş geniş tərkibli kollegiya iclası keçirilmişdir.

Mədəniyyət Nazirliyinin mətbuat xidmətindən AZƏRTAC-a bildirmişlər ki, milli mədəniyyətimizin dünya mədəniyyətinə inteqrasiyası, mədəniyyətin sivil və demokratik prinsiplər üzərində qurulan dövlətçiliyimizin ayrılmaz bir sahəsi olaraq formalaşdırılması və s. vacib məsələlərin müzakirəsinə geniş yer verildiyi kollegiya iclasının iştirakçıları mədəniyyətimizin əvəzsiz təəssübkeşi, xalqımızın ümummilli lideri Heydər Əliyevin xatirəsini bir dəqiqəlik sükutla yad etmişlər.

Mədəniyyət naziri Polad Bülbüloğlu giriş nitqində nazirliyin ötən bir ildəki fəaliyyəti ilə bağlı fikirlərini söyləmişdir.

Mövzu ətrafında müzakirələrdə nazirliyin struktur bölmələrinin rəhbərləri çıxış edərək qazanılmış uğurlardan və mövcud problemlərdən danışmışlar.

Kollegiya iclasında, həmçinin mədəniyyət nazirinin müavini Ədalət Vəliyev, Naxçıvan MR mədəniyyət naziri Nizami Həmzəyev, Mədəniyyət İşçiləri Müstəqil Həmkarlar İttifaqı Respublika Komitəsinin sədri Cəmilə Səttarova, Bakı Şəhər Mədəniyyət İdarəsinin rəisi Həsənağa Qurbanov, Gəncə Şəhər Mədəniyyət İdarəsinin rəisi Mina Məlikova çıxış edərək müzakirə olunan məsələlərlə bağlı fikir və təkliflərini bildirmişlər.

İclasa yekun vuran nazir Polad Bülbüloğlu qarşıda duran vəzifələrdən danışmış,mövcud nöqsanların aradan qaldırılması üçün müvafiq tapşırıqlar vermişdir.

Kollegiyada müzakirə olunan məsələlər barədə müvafiq qərarlar qəbul edilmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.