MƏDƏNİYYƏT


MƏDƏNİYYƏT VƏ İNCƏSƏNƏT UNİVERSİTETİNDƏ ELMİ–PRAKTİK KONFRANS

Azərbaycan Dövlət Mədəniyyət və İncəsənət Universitetində xalq musiqisi, çalğı alətləri və musiqişünaslıq kafedralarının birgə təşəbbüsü ilə tələbələrin “Türksoy xalqlarının musiqi mədəniyyətinin tədqiqi problemləri”nə həsr olunmuş 3-cü elmi-praktik konfransı keçirilmişdir.

Universitetin dosenti, sənətşünaslıq namizədi Kamilə Dadaşzadə AZƏRTAC-ın müxbirinə demişdir ki, konfransda çıxış edən tələbələr Türksoy xalqlarının musiqi mədəniyyətinin tədqiqi problemlərindən söhbət açmışlar.

Konfransda Türkiyədə musiqi təhsili tarixindən, qarmon alətinin yaranma və inkişaf mərhələlərindən, kamança və orkestr üçün yazılmış konsertlərdən, Dədə Əfəndinin və Aşıq Veysəlin, Adnan Sayqunun yaradıcılığının bəzi özəlliklərindən, musiqi və dindən, Osmanlı saray musiqisindən, Qurani-Kərimin tilavətinə dair bəzi mülahizələrdən, türk musiqisində Yunis İmrə mövzusundan və türk musiqisində tambur alətinin yeri və rolundan daha geniş danışılmışdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.