AZƏRTAC xarici KİV-lərə istinadla xəbər verir ki, aprelin 10-da 59 yaşlı məşhur hollandiyalı futbol mütəxəssisi Quus Hiddink Almaniyada keçiriləcək dünya çempionatından sonra Rusiya yığmasına başçılıq etməyə razılıq vermişdir.

Hazırda Hollandiyanın “PSV Eyndhoven” klubunun və eyni zamanda, Avstraliya yığma komandasının baş məşqçisi olan Q.Hiddinkin dediyinə görə, Rusiya Futbol İttifaqı ilə bağlanacaq təxminən dördillik müqavilənin bəzi şərtləri bu yaxınlarda dəqiqləşdiriləcəkdir.