Bakı, 21 iyun (AZƏRTAC). “MBA-MOSKVA” Bankı iyunun 20-də 3 milyard rublluq debüt istiqrazlarının 10,75 faiz kupon dərəcəsi ilə tam həcmdə yerləşdirilməsini uğurla həyata keçirmişdir.

AZƏRTAC xəbər verir ki, istiqrazların dövriyyə müddəti 3 ildir. 1,5 illik oferta nəzərdə tutulmuşdur. Buraxılışa “Azərbaycan Beynəlxalq Bankı” ASC tərəfindən geri çağırılmayan oferta şəklində təminat verilmişdir.

Bankın icraçı direktoru, İnvestisiya və özəl bank biznesi blokunun rəhbəri Fəqan Nağıyev qeyd etmişdir ki, “Fitch Ratings” beynəlxalq reytinq agentliyi “MBA-MOSKVA” Bankı” MMC-nin 3 milyard rublluq istiqraz buraxılışına “BB” (sabit) final reytinqi vermişdir. Buraxılış lombard siyahısına daxil olmaq üçün Rusiya Bankının tələblərinə cavab verir. Fəqan Nağıyev, həmçinin demişdir ki, “MBA-MOSKVA” fond bazarında ilk dəfə olaraq “Bench Mark” göstəricisini müəyyən etmişdir. Bu, bankda investisiya yönümünün inkişafına doğru atılan addımdır.