İDMAN


MBA-nın növbəti mövsümünün draft mərasiminin vaxtı açıqlanıb

Bakı, 17 sentyabr, AZƏRTAC

Milli Basketbol Assosiasiyasında (MBA) pley-off həyəcanı davam etdiyi məqamda liqa rəhbərliyi artıq növbəti mövsümün planlarını cızır.

AZƏRTAC xəbər verir ki, MBA-da növbəti mövsümün draft mərasimi noyabrın 18-də keçiriləcək. Bir müddət əvvəl ABŞ mətbuatı bu mərasimin oktyabrın 15-də yəni, final seriyasının 7-ci oyunundan 3 gün sonra keçiriləcəyini yazmışdı. Amma bu yaxınlarda MBA rəhbərliyi ilə Oyunçuların Həmkarlar İttifaqı ortaq məxrəcə gələrək draftı noyabra keçirməyi qərara alıb. Bu da səbəbsiz deyil. Koronavirus pandemiyasının zərərlərini minimuma endirmək üçün klublar liqa rəhbərliyindən bir qədər vaxt istəyib. Bu müddətdə klublar draft olunmaq üçün ərizə verən gənc basketbolçuları yaxından araşdıracaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.