ELM VƏ TƏHSİL


MEK-in oxucuları “EBSCO” məlumat bazasından yararlana biləcəklər

MEK-in oxucuları “EBSCO” məlumat bazasından yararlana biləcəklər

Bakı, 18 yanvar, AZƏRTAC

AMEA-nın Mərkəzi Elmi Kitabxanası oxucuları üçün daha bir yenilik edib.

MEK-dən AZƏRTAC-a bildirilib ki, Azərbaycan kitabxanalarında ən çox müraciət edilən, bir çox elmi informasiya resursları və məlumat axtarış mənbəyi ilə zəngin “EBSCO” verilənlər bazasına abunəlik təmin olunub.

MEK-in qeydiyyatdan keçən bütün oxucuları “EBSCO”nun 4600-dən çox jurnalın tam mətnlərini ehtiva edən multidisiplinar verilənlər bazası - Academic Search Complete və MEDLINE - tibb sahəsi üzrə verilənlər bazasından yararlana biləcəklər. Məlumat axtarış bazasına 2023-cü il yanvarın 16-dan martın 31-dək giriş imkanları mövcuddur.

Xatırladaq ki, abunəlik haqqında razılıq ötən ilin noyabrında MEK əməkdaşlarının “ANKOSLink 2022” beynəlxalq konfransında iştirakı zamanı “EBSCO” şirkətinin rəsmiləri ilə aparılan danışıqlar nəticəsində əldə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.