MELİORATORLAR İLİ UĞURLA BAŞA VURMUŞLAR

Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin kollektivi 2005-ci ili uğurla yekunlaşdırmışdır.

Agentlikdən AZƏRTAC-a bildirmişlər ki, Azərbaycan Prezidentinin aqrar sahədə mövcud potensialdan istifadə edərək, kənd təsərrüfatı məhsulları istehsalını artırmaq, xalqın maddi rifahını yüksəltməklə bağlı qarşıya qoyduğu vəzifələrə dönmədən əməl olunur. Kollektiv il ərzində kənd təsərrüfatı bitkiləri becərilmiş 1 milyon 285 min hektara vaxtında və kifayət qədər su vermişdir. Həmin sahələrdə mövsüm boyu orta hesabla üç dəfə suvarma aparılmış, 7 milyard kubmetrə yaxın su sərf edilmişdir. 600 min hektar sahədə suvarma mexaniki yolla həyata keçirilmişdir.