SİYASƏT
MELİORATORLAR SOYQIRIMI GÜNÜNÜ QEYD ETMİŞLƏR
1918-cı ilin qanlı mart hadisələrindən 85 il ötür. Ancaq bu faciəyə və ermənilərin xalqımıza qarşı törətdikləri digər vəhşiliklərə yalnız Prezidentimiz Heydər Əliyevin “Azərbaycanlıların soyqırımı haqqında” 1998-ci il 26 mart tarixli Fərmanı ilə hərtərəfli siyasi-hüquqi qiymət verilmişdir.
Meliorasiya və Su Təssərüfatı Komitəsində 31 mart azərbaycanlıların soyqırımı gününə həsr edilmiş yığıncaq keçirilmişdir. Çıxış edənlər vurğulamışlar ki, bu gün başlıca vəzifəmiz milli dövlətçiliyimizi daha da möhkəmləndirməklə yanaşı, erməni millətçilərinin vəhşiliklərini, Daşnaksutyun ideoloqlarının “Böyük Ermənistan” yaratmaq kimi sərsəm niyyətlərinin insanlara fəlakət və ölüm gətirdiyini faktlar və sübutlarla dünyaya bəyan etməkdən ibarətdir.