AZƏRTAC xəbər verir ki, oktyabrın 20-21-də Bakı Olimpiya İdman Kompleksində kişi və qadınlar arasında milli idman oyunları üzrə respublika spartakiadasının final mərhələsi keçiriləcəkdir.

Gənclər və İdman, Kənd Təsərrüfatı nazirliklərinin, “Məhsul” İdman Cəmiyyətinin təşkilatçılığı ilə keçirilən yarışın finalında 40-a yaxın şəhər və rayondan 500-dən artıq idmançının iştirakı gözlənilir.

Xatırladaq ki, bu idmançılar çalağan çardağı, kəndirdartma, milli güləş, gücsınama, dirədöymə, nərd, daşqaldırma üzrə keçirilmiş rayondaxili yarışlarda qalib gələrək, finala vəsiqə qazanmışlar.