İDMAN


MOK-un baş katibi Azər Əliyev “EYOF-2022”də uğur qazanan idmançılarımızı mükafatlandırıb

Bakı, 1 avqust, AZƏRTAC

Slovakiyanın Banska Bıstritsa şəhərində keçirilən Avropa Yeniyetmələrinin XVI Yay Olimpiya Festivalının (EYOF) sonuncu günündə Azərbaycan Milli Olimpiya Komitəsinin (MOK) baş katib Azər Əliyev idmançılarımız ilə görüşüb.

MOK-un mətbuat xidmətindən AZƏRTAC-a bildiriblər ki, A.Əliyev idmançılara göstərdikləri əzmkarlıq və əldə etdikləri nəticə ilə əlaqədar təşəkkürünü bildirib.

Daha sonra o, medalçılara qurumun xüsusi mükafatını təqdim edib.

Azərbaycan “EYOF-2022”də 33 idmançı ilə təmsil olunub. Onlardan yalnız cüdoçular 2 qızıl, 4 gümüş və 2 bürünc medal qazanıblar.

Qeyd edək ki, EYOF Beynəlxalq Olimpiya Komitəsinin himayəsi altında keçirilir və 13 - 18 yaşlı idmançılar üçün ilk çoxprofilli Avropa tədbiridir. “EYOF-2022” “Parlamağa hazırıq” devizi altında keçirilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.