AZƏRTAC xəbər verir ki, Moskva hökuməti informasiya mərkəzinin məlumatına görə, Rusiya paytaxtının meri Yuri Lujkov sentyabrın 1-də birinci sinif şagirdləri üçün “Olimpiya Moskvası” mövzusunda dərs keçəcəkdir.

Y.Lujkov bu dərsi paytaxtın idman məktəblərindən birində deyəcəkdir. Mer “birincilərə” 2012-ci ilin Olimpiya oyunlarını keçirməyə namizəd kimi Moskva haqqında danışacaqdır. Dərs saat 10-da TVS telekanlı ilə yayımlanacaqdır.

Dərs ilinin ilk günü paytaxtın bütün ümumtəhsil məktəblərinin I-XI siniflərində Böyük Vətən müharibəsində Qələbənin 60 illiyinə həsr edilən dərslər keçiləcəkdir. Qələbənin ildönümü gələn il Moskvada böyük təntənə ilə qeyd olunacaqdır.