DÜNYA


MSK Moldovada keçirilən növbədənkənar parlament seçkilərinin nəticələrini təsdiq edib

Kişineu, 19 iyul, AZƏRTAC

Moldova Mərkəzi Seçki Komissiyası iyulun 11-də ölkədə keçirilən növbədənkənar parlament seçkilərinin nəticələrini təsdiq edib.

AZƏRTAC xəbər verir ki, bundan sonra Moldova Konstitusiya Məhkəməsinin seçkilərin nəticələrinə dair qərarı gözlənilir.

MSK-nın qərarına əsasən Moldova Prezidenti Maya Sandunun rəhbərlik etdiyi “Fəaliyyət və Həmrəylik” partiyası seçicilərin 52,8 faizinin səsini toplayıb. Bu Moldovada keçirilən parlament seçkiləri tarixində ən yüksək göstəricidir.

Bundan sonra Moldovanın sabiq prezidenti İqor Dodonun sədri olduğu “Sosialistlər” partiyası isə 27,17 faiz səslə ikinci yerdədir. Yəhudi əsilli iş adamı İlan Şorun rəhbəri olduğu partiya 5,74, digər tanınmış iş adamı, həm də Rusiya vətəndaşı Renato Usatıyın partiyası isə 4,10 faiz səs toplayıb.

Emil Hüseynli

AZƏRTAC-ın xüsusi müxbiri

Kişineu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.