CƏMİYYƏT


Macarıstan hökuməti avtobusların “yaşıllaşdırılması”na başlayıb

Budapeşt, 21 sentyabr, AZƏRTAC

Macarıstan hökuməti yaxın vaxtlarda 100 milyon avro dəyərində elektriklə işləyən avtobusların alınmasına hazırlaşır.

AZƏRTAC Macarıstanın MTI informasiya agentliyinə istinadla xəbər verir ki, bu proqram növbəti 10 il üçün nəzərdə tutulub.

Ölkənin İnnovasiya və Texnologiyalar Nazirliyi bildirib ki, “Yaşıl avtobus” proqramının məqsədi yerli avtobuslar istehsalını dəstəkləmək və ölkənin yollarında yerli avtobusların nisbi sayını 60 faizə çatdırmaqdır.

Artıq səkkiz macar və əcnəbi avtobus istehsalçısı proqramda iştirak etmək üçün sertifikat alınmasına görə müraciət ediblər.

Proqram çərçivəsində 2020-2021-ci illər üçün nəzərdə tutulan 12 milyon avro dəyərində avtobusların ilk partiyasının tədarükü üçün tender oktyabrın 15-də elan olunacaq.

Hökumətin bu yaxınlarda verdiyi qərar əhalisinin sayı 25 min nəfərdən çox olan bələdiyyələr üzərinə 2022-ci ildən başlayaraq yalnız ekoloji təmiz (yəni “yaşıl”) avtobusların alınması öhdəliyi qoyur.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.