DÜNYA


Macarıstan krandan gələn suyun keyfiyyəti ilə fəxr edə bilər

Budapeşt, 24 iyun, AZƏRTAC

Macarıstanda suyu birbaşa krandan içmək olar. Krandan gələn içməli su əla keyfiyyətlidir.

AZƏRTAC xəbər verir ki, bu sözləri Macarıstanın baş həkimi Sisili Müller söyləyib.

Bu günlərdə Budapeştdə krandan gələn suyu içməyi təbliğ edən kampaniya keçirilir. Kampaniya çərçivəsində vətəndaşları inandırırlar ki, Macarıstanda içməli suyun keyfiyyəti əladır, çünki suyun keyfiyyətinə daim nəzarət edilir.

İctimai su təchizatını təmin edən dövlət tədarükçüləri və Milli İctimai Səhiyyə Mərkəzi içməli suyun keyfiyyətini müntəzəm yoxlayır və hər il on minlərlə nümunə üzərində 900 minə yaxın test keçirirlər. Laboratoriya testlərinin nəticələri təsdiq edir ki, krandan axan su yüksək keyfiyyətli, sağlamdır. İçməli suyun tərkibində mikroplastiklər və hormonlar olub-olmaması da yoxlanılır. Nəticələr göstərir ki, bu maddələri yalnız səth sularında izləmək olar, çünki sahillərdəki quyulardan çıxarılan su süzgəcdən keçirilir və onu çirkləndirən maddələr ayrılır.

 
Pərvanə Qarayeva
AZƏRTAC-ın xüsusi müxbiri
Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.