MƏDƏNİYYƏT


Macarıstanda Azərbaycan Kinosu Günləri keçirilir VİDEO

Budapeşt, 19 fevral, AZƏRTAC

Macarıstanın paytaxtında yerləşən məşhur “Urania” kinoteatrında Azərbaycan Kinosu günlərinin açılış mərasimi keçirilib.

AZƏRTAC xəbər verir ki, tədbir Azərbaycan Mədəniyyət Nazirliyinin təşkilatçılığı, ölkəmizin Macarıstandakı səfirliyinin dəstəyi ilə həyata keçirilir.

Açılış mərasimində “Urania” kinoteatrının direktoru Botond Elekeş, Macarıstanın İnsan Resursları Nazirliyinin beynəlxalq əlaqələr və Karpat hövzəsi məsələləri üzrə dövlət katibi Zoltan Lorintsi, Azərbaycan Mədəniyyət Nazirliyinin aparat rəhbəri Fikrət Babayev, “Nar bağı” filmində baş rolun ifaçısı aktyor Qurban İsmayılov çıxış ediblər.

Çıxışlardan sonra “Nar bağı” filmi nümayiş etdirilib.

Azərbaycan Kinosu Günləri fevralın 22-dək davam edəcək. Budapeştlə yanaşı, filmlərin nümayişi Peç və Seqed şəhərlərində də keçiriləcək.

 

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.