İQTİSADİYYAT


Macarıstanda istehlak qiymətləri sürətlə artır

Budapeşt, 6 avqust, AZƏRTAC

Macarıstanın Mərkəzi Statistika İdarəsinin məlumatına görə, iyun ayında sənaye və kənd təsərrüfatı məhsullarının illik qiymət artımı 3,1 faiz olub. Bu, may ayı ilə müqayisədə 1,7 faiz çoxdur.

AZƏRTAC Macarıstanın MTI agentliyinə istinadla xəbər verir ki, koronavirus pandemiyası bazarlara və valyuta mübadilə məzənnələrinə ciddi təsir göstərib. Aprel ayından bəri daxili bazarda qiymətlər artmaqdadır. Bu halda idxal qiymətləri 1,1 faiz azalıb, ixrac qiymətləri isə 5,2 faiz artıb.

Cari ilin əvvəlindən ixrac qiymətləri daha yüksək sürətlə artır. Bu, mübadilə məzənnələrinin təsiri üzündən baş verir. Nəqliyyat avadanlığı, kompüter, elektronika və optika məhsulları seqmentində qiymətlərin daha çox artması müşahidə olunur. Ərzaq məhsulları, içkilər və tütün məmulatı seqmentində artım bir qədər aşağıdır.

Pərvanə Qarayeva

AZƏRTAC-ın xüsusi müxbiri

Budapeşt 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.