DÜNYA


Macarların yay mövsümü üçün planları barədə

Budapeşt, 4 may, AZƏRTAC

Macarların üçdəbir hissəsi qəti qərara alıb ki, bu il yay məzuniyyəti dövründə evdə qapanıb qalmayacaqlar.

AZƏRTAC bu barədə yaxın günlərdə Macarıstanda keçirilmiş sosioloji sorğunun nəticələrinə əsasən xəbər verir. Bununla əlaqədar, turizm agentliklərinin saytlarında sifarişlər qəbulu artıq başlanıb.

Yay məzuniyyəti ilə bağlı planları hazır olan macarların təqribən üçdə iki hissəsi yalnız ölkə hüdudlarında dincəlməyi, 20 faizi isə xaricə getməyi planlaşdırır. Rəyi soruşulanların 10 faizdən bir qədər çoxu həm ölkə daxilində, həm də xaricə səfərlər etmək niyyətindədir.

Respondentlərin 35 faizi Balaton gölünün sahilində mənzil bronlamağa başlayıb. Xaricdə istirahət etməyə hazırlaşan macarlar əsasən İtaliya, Yunanıstan və Türkiyəyə getmək fikrindədir.

Macarların təqribən üçdəbir hissəsi isə bu yayda səyahət etməyi ümumiyyətlə planlaşdırmır.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.