DÜNYA
Madrid Kataloniya hökumətini hakimiyyətdən kənarlaşdırmağı qərara alıb
Bakı, 21 oktyabr, AZƏRTAC
İspaniya Nazirlər Kabinetinin şənbə günü keçirilən təcili iclasında Kataloniya hökumətini, o cümlədən muxtariyyətin lideri Karles Puçdemonu hakimiyyətdən kənarlaşdırmaq barədə qərar qəbul edilib.
AZƏRTAC xəbər verir ki, bunu Baş nazir Mariano Rahoy iclasdan sonra keçirdiyi mətbuat konfransında bildirib. “Kataloniyanın nə muxtariyyəti, nə də özünüidarəsi dayandırılmır. Yalnız bu özünüidarəni konstitusiya qanunu və statusu çərçivəsindən kənara çıxaran insanlar vəzifədən kənarlaşdırılır”, - deyə Baş nazir qeyd edib.
O bildirib ki, Jeneralitet (Kataloniya hökuməti) administrasiyası adi şəkildə, lakin hakimiyyət tərəfindən təyin olunacaq yeni rəhbərlik altında fəaliyyət göstərəcək.
Bundan sonra İspaniya hökumətinin qərarını senat təsdiqləməlidir. Bu problemə həsr olunan sessiya oktyabrın 27-nə təyin edilib.
Mariano Rahoy Kataloniyada seçkilər keçirilməsinin məqsədini də elan edərək deyib ki, bu, muxtariyyət normal vəziyyətə qayıtdıqdan dərhal sonra olacaq. Maksimum müddət altı aydır.
MÜƏLLİFLƏ ƏLAQƏ
Bölmənin digər xəbərləri
- 19.03.2024 [17:39]
Pentaqon: ABŞ Ukraynanın Rusiya ilə müharibədə uduzmasına imkan verməyəcək
- 19.03.2024 [17:30]
Ukrayna hərbi yardımlarla bağlı prioritetləri açıqlayıb
- 19.03.2024 [15:18]
Qar uçqunu Türkiyənin şərqində 158 yaşayış məntəqəsi ilə əlaqəni iflic edib
- 19.03.2024 [14:27]
Keniyada yol qəzası nəticəsində azı 11 tələbə həlak olub
- 19.03.2024 [14:24]
Yaponiya Mərkəzi Bankı 17 ildən sonra mənfi faiz siyasətini dayandırır
- 19.03.2024 [14:22]