DÜNYA


Madriddə Ümumdünya biznes forumu keçiriləcək

Madrid, 9 oktyabr, AZƏRTAC

Oktyabrın 9-10-da Madriddə, “Palacio Municipal de Congresos”də WOBI Ümumdünya biznes forumu keçiriləcək.

AZƏRTAC xəbər verir ki, dünyanın hər yerindən top-menecerlər İspaniya paytaxtına toplaşacaqlar. Top-menecerlər biznesin ən nüfuzlu nümayəndələrini dinləyəcək, texnoloji dəyişikliklər, innovasiyalar və emosional intellektin inkişafında zəruriliklər barədə onların fikirlərini öyrənəcəklər.

“Facebook”da marketinq üzrə sabiq direktor və “Zuckerberg Media”nın baş direktoru Rendi Sukerberq XXI əsrdə şirkətlərin gəlirlə işləmələri məsələlərinə toxunacaq. Top-menecerlər sosial əlaqələrin genişlənməsində rəqəmsal vasitələrdən istifadə və rəqəmsal dünyanın istehsalından necə xeyir əldə edilməsi barədə onun fikirlərini eşidəcəklər.

Qeyd edək ki, WOBI-nin birinci forumu 2004-cü ildə Nyu-Yorkda təşkil olunub. O vaxtdan forum hər il müxtəlif ölkələrdə keçirilir. Forumun əsas vəzifəsi şirkətlərin top-menecerləri üçün ən yaxşı idarəçilik vasitələrinin işlənib hazırlanması və yayılmasıdır.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.